Një 57vjeçar në Itali ka kryer një krim makabër, duke vrarë në gjumë familjarët e tij.
Sipas mediave vendase, 57-vjeçari i quajtur Alessandro Maja, goditi me çekiç në gjumë gruan e tij Stefania Piveta 56 vjeç si dhe vajzën e tij Xhulia, 16 vjeç duke i’u shkaktuar vdekjen, ndërsa djali i tij 23 vjeç, Nikolo ndodhet në spital.
Ngjarja ka ndodhur brenda banesës në Samarate, në provincën e Vareses në Lombardi, ku pas kryerjes së krimit, autori ka tentuar të vetëflijohet duke i vënë flakën vetes. Policia është njoftuar nga fqinjët për ngjarjen, pasi këta të fundit dëgjuan ulërimat në familjen ku ndodhi krimi.
Policia ndodhet në vendngjarje dhe po punon për zbardhjen e plotë të shkaqeve të këtij krimi.