Aleatët kryesorë perëndimorë të Ukrainës nuk kanë vendosur ende për krijimin e një gjykatë për krimet e luftës së Vladimir Putinit dhe rrethit të tij të ngushtë, duke dashur të lënë hapësirë për marrëdhëniet e ardhshme me Rusinë, sipas zyrtarëve të lartë të Ukrainës, shkruan The Guardian.
“Është një politikë e madhe. Nga njëra anë, vendet e dënojnë publikisht agresionin, por nga ana tjetër, ata po vendosin këmbën në derën e mbylljes së marrëdhënieve me Rusinë në mënyrë që të ato dyer të mos mbyllen plotësisht, “tha Andriy Smyrnov, nënkryetari i administratës presidenciale të Ukrainës, i cili po udhëheq përpjekjet e vendit për të krijuar gjykatën ndërkombëtare.
“Ata po përpiqen të lënë një hapësirë për manovra diplomatike,” tha ai.
Pretendimet e tij vijnë pasi presidenti amerikan, Joe Biden, tha të hënën se Rusia nuk duhet të cilësohet si një shtet terrorist diçka që zyrtarët ukrainas dhe disa politikanë amerikanë kishin kërkuar.
Zyrtarët ukrainas thonë se që nga prilli, ata janë përpjekur të bindin aleatët e tyre perëndimorë që të krijojnë një gjykatë për krimet e luftës në Ukrainë.