Krist Dragot Aliaj është një banor mjaft aktiv në shtëpinë e “BBV Albania”. Madje, ai shpeshherë bisedon për tematika të ndryshme. Jo vetëm kaq por ai ka thënë se nuk ka asnjë interes tek vajzat e BBV. Kjo për shkak se ai ka nje lidhje jashtë. Kristi ka thënë se është lidhur që në muajin prill 2022 dhe nuk dëshiron që të humbasë lidhjen e tij.
“Nga unë nuk do humbasë lidhja”, ka thënë ai i cili duket mjaft i fokusuar tek loja.
Mirëpo, ai ka qenë duke biseduar me Oltën, ku nuk e ka kursyer një deklaratë të fortë.
“Unë të isha single, besoj që do i kisha kaluar që të gjitha”, ka thënë ai për vajzat brenda shtëpisë.
Kristi ka qenë së fundmi në qendër të vëmendjes. Gjatë programit të “BBV Albania”, Arbana Osmani ka treguar një foto të tij me opinionisten Zhaklin Lekatari të cilët po shkëmbenin një puthje.
Kristi ka treguar se puthja ka ndodhur në kuadër të një ilustrimi në programin e dashurisë “Love Story”. Më tej, Kristi ka shtuar se ka dikë jashtë, në të cilën e ka mendjen.
Pjesa nga diskutimi:
Arbana: Opinionistja jonë këtë vit ka një konflikt interesi le të themi me një nga banorët.
Kristi: Po kjo ka një vit, që kur ishim në një emision dashurie. Ne jemi në marrëdhënie platonike.
Olta: Ua kishe harruar të na i thoshe këtë detaj!
Kristi: Ka ndodhur se në show më thoshin që unë nuk jam romantik dhe ishte per tu treguar të tjerëve se mund të kemi një marrëdhënie pa komplekse , dhe u çuam dhe bëmë këtë puthje. Kam një person që me të vërtetë vlen dhe që po më pret, prandaj nuk kam asnjë interes romantik në Big Brother.
Nga ana tjetër, Zhaklina tha se mes tyre ka patur një marrëdhënie të mirë dhe tha se shtysën e parë për puthjen e ka marrë vetë ajo pasi ia kërkoi moderatori i programit të dashurisë.