Lideri më i rëndësishëm i opozitës ruse për dekadën e fundit, Alexei Navalny është ndarë nga jeta në mënyrë të papritur. Ai ka vdekur në burg në Siberi. Kundërshtari kryesor i presidentit Vladimir Putin, Navalny po vuante një dënim me 19 vjet burg për vepra penale që konsiderohen gjerësisht të motivuara politikisht. Au u arrestua në vitin 2021.
Sipas informacionit të dhënë nga Shërbimi Federal i Burgjeve, Navalny u ndje i sëmurë pas një shëtitje. Mediat e kontrolluara nga rusia po ashtu kanë cituar këtë deklaratë, duke raportuar se Navalny, 47-vjeç ka vdekur.
Edhe presidenti rus Vladimir Putin është informuar për vdekjen e Alexei Navalny në burg, konfirmon zëdhënësi i Kremlinit Dmitry Peskov, sipas raporteve të agjencisë së lajmeve ruse Tass. Alexei Navalny ishte kritiku më i madh i Putinit. Për më shumë se një dekadë, ai ekspozoi korrupsionin në zemër të pushtetit rus. Hulumtimet e tij kanë marrë dhjetëra miliona shikime në internet.
Një aktivist karizmatik, Navalny, krijoi një rrjet të zyrave rajonale të fushatës, pasi kishte planifikuar të kandidonte për president në vitin 2018. Ai u ndalua nga votimi. Në vitin 2020, ai u helmua në Siberi. Ai u trajtua jashtë vendit dhe kur u kthye në Rusi në janar 2021, kur u arrestua menjëherë.