Kriza energjitike dhe shtrenjtimi i produkteve si pasojë e luftës që po zhvillohet në Ukrainë janë dy çështjet më kryesore që po ndikojnë vendi tonë por jo vetëm. Për rrjedhojë, kryeministri Edi Rama është ndalur për të folur sërish për këtë krizë gjatë inagurimit të apartamenteve të reja në Durrës.
Në fjalën e tij, Rama deklaroi se kjo luftë ka ndikuar në të gjithë zinxhirin e ekonomisë duke mos lënë jashtë as Shqipërinë dhe vendet e rajonit.
“Na ndikon edhe ne ndikon çmimet se lufta është nisur nga një forcë agresive. Janë shtrenjtëuar si nafta, gazi energjia e me radhë. Deri tek imputet për bujqësinë. Rusia dhe Ukraina, zinin peshën kryesore në këto furnizime. Kjo luftë ndikon tek të gjithë zinxhirët e furnizimeve, që bën të përballem me rritje çmimesh. Kjo është një fatkeqësi që është jashtë këtij vendi por ndikohet. Do jemi pranë atyre që janë më në nevojë. Kemi marrë një angazhim ku sapo u shfaqën elementet e para të krizës energjitike. Do jemi pranë jush dhe pranë çdo familje. Për të kompensuar çmimin që asnjë familje të mos ndjejë goditjen në faturë.” u shpreh kryeministri.
Ndërkohë, teksa u ndal edhe tek ndihma që qeveria ka ndërmarrë me paketën e rezistencës, Rama theksoi se po ndihmohen më shumë se gjysmë milioni njerëz.
“Do mbështesim për tre muaj rresh më shumë se gjysmë milioni njerëz. Edhe më shumë se një vit më parë fermerët me naftë pa taksa, pensionistët duke indeksuar pensionet”, theksoi ai.