Shikuesit rrezikojnë të mos shohin më në televizionin publik Kombëtaren Shqiptare të futbollit.
Shkak është: “mungesa financiare” e gjigandit mediatik. Bordi drejtues i mbledhur sot ka refuzuar një marrëveshje të ofruar nga fituesja e tenderit dhe ka paraqitur një kundërofertë qesharake çka me shumë mundësi do të refuzohet.
Gjatë viteve të fundit, RTSH u bë i njohur me marrjen e të drejtave të shumta televizive sportive. Por me mbarimin e mandatit të ish drejtorit, brenda një viti, RTSH ka humbur të drejtat televizive të Lojërave Olimpike, Kupën e Mbretit (Spanjë), Kupën e Anglisë, Kupën e Gjermanisë, kategorinë e parë të futbollit shqiptar, Moto GP, turneun e tenisit Roland Garros.
Bordi ri drejtues dështoi në përpjekjet për të anuluar kontratën e fituar për transmetimin e Champions League, por duket se po arrin “sukses” në prishjen e traditës që ndeshjet e Kombëtares së futbollit transmetoheshin në RTSH.
Të hënën kur Kombëtarja do të luajë në Islandë në kuadër të Ligës së Kombeve. Shikuesit për herë të parë do të detyrohen t’i drejtohen platformave me pagesë për të parë Kombëtaren.
Kujtojmë se RTSH transmetoi e vetme falas kampionatin Botëror të vitit 2017. Mbi 70% e fondeve të RTSH janë tarifa që paguan çdo familje shqiptare për të patur një televizion në shërbim të publikut.