Deputeti i opozitës së re, Adriatik Alimadhi pyeti kreun e shtetit se cila mund të ishte zgjidhja sipas Presidentit për krizën politike nisur dhe nga situata aktuale dhe veprimet e Metës.
Kreu i shtetit tha se zgjidhja minimale do të ishte zgjedhjet më 13 tetor, duke qenë se të gjithë flasin në emër të popullit.
“Zgjidhja minimale ka qenë ndoshta ende mbetet, po koha është kufizuar pak më shumë dhe mungesa e reflektimit të dy palëve në tërësi, zgjedhjet më 13 tetor për të mbyllur këtë kapitull të debatit të paqartësisë e kështu me radhë.
Së dyti, vlerësimi im shumë i ndershëm e transparent, duke parë që të gjithë flasin në emër të popullit shqiptar, unë mendoj që zgjidhja e vetme në këtë situatë i vetmi institucion që nuk mban përgjegjësi në Republikën e Shqipërisë më vjen keq ta them është presidenti që i ka bërë të gjitha përpjekjet e tij për të parandaluar që vendi të ishte pa Gjykatë Kushtetuese, që do të kishin bërë të mundur zgjidhjen e krizës që në hapat e para. Pra, zgjidhja e vetme është të mos flasim më në emër të qytetarëve shqiptarë, po tu japim mundësinë të shprehen dhe për zgjedhjet vendore, dhe për Parlamentin dhe për Presidentin”, vijoi Meta.