Fakti që Blero nuk ishte prezent në promovimin e qendrës estetike të gruas së tij, tregon se kjo marrëdhënie po shkon drejt fundit. E teksa urimi i Bleros për të shoqen mungoi, nuk mungoi urimi i ish-gruas së tij: “Urime zemër, ju shkoftë mbarë”, të cilës ia ktheu edhe Afrona: “Flm shumë zemër”.
Afrona Dika është personazhi që u bë e famshëm pas historisë me Bleron. Një histori e gjatë, e kurorëzuar edhe në martesë jetohet prej vitesh nga kjo dyshe. Ditët e fundit, Afrona duket se ka vendosur t’i hyjë edhe botës së biznesit. Modelja ka çelur një qendër estetike, të cilën do të jetë vetë ajo që do ta drejtojë. Ajo madje ka organizuar edhe një festë mes familjarësh e miqsh për të festuar arritjen e saj që ka kohë që është duke punuar. Por, teksa të shumtë ishin ata që e uronin për këtë sipërmarrje, ra në sy mungesa e Bleros. Bashkëshorti i saj jo vetëm që nuk u pa në festë, por as nuk e uroi bashkëshorten e tij në rrjetet sociale.
Teksa Afrona ishte në Zurich, duke promovuar biznesin e saj, Blero ishte në Prishtinë, duke vijuar me agjendën e tij. Duket se mes këtij çifti ka një krizë, që pasqyrohet edhe në rrjetet sociale. Problemet që po ndeshin, duket se i kanë distancuar nga njëri-tjetri për një periudhë të gjatë kohe.
Ndonëse vijojnë të ndiqen në “Instagram” dhe të mbajnë fotot që kanë së bashku, dyshja duket se po përjeton një krizë që ka kohë që zgjat. Kjo nuk është hera e parë, që ata hasen me probleme në çift. Edhe pak para martesës, ata u ndanë për disa kohë, për t’u rikthyer disa kohë më pas sërish së bashku.
Teuta Krasniqi dhe Blero qëndruan për pak vite të martuar, teksa u bënë prindër edhe të një vajze. Sot, ata vijojnë jetën të ndarë, por miq të mirë. Dhe të gjithëve na ka rënë në sy miqësia që Teuta ka me gruan e re të Bleros.