Një 43-vjeçar i dënuar i shpallur në kërkim ka rënë në prangat e policisë së Krujës.
Lulzim Kullaj ishte dënuar me 4 vjet e 8 muaj nga Gjykata e Tiranës shkurt të 2023-it për kultivim të bimëve narkotike në ambient të mbyllur, dhe vjedhje të energjisë elektrike ose impulseve telefonike”.
Operacioni u kodua “Inside”.
Njoftimi i policisë:
Si rezultat i kontrolleve të bazuara te informacionet e siguruara në rrugë operative, me objektiv lokalizimin dhe ndalimin e shtetasve të shpallur në kërkim, shërbimet e Komisariatit të Policisë Krujë, në kuadër të operacionit “Inside”, kapën shtetasin L. K., 43 vjeç.
Gjykata e Tiranës, me vendimin e datës 09.02.2023, e ka dënuar këtë shtetas, me 4 vjet e 8 muaj burgim, për veprat penale “Kultivimi i bimëve narkotike” dhe “Vjedhja e energjisë elektrike ose impulseve telefonike”.
Materialet procedurale iu referuan Prokurorisë së Tiranës, për veprime të mëtejshme.