Vetëm pak ditë pas betimit kryebashkiakët e Qarkut të Dibrës kanë nisur nga puna me ritme të shpejta. Dionis Imeraj në Dibër, Lefter Alla në Bulqizë dhe Agron Malaj në Mat kanë vendosur të jenë pranë qyetarëve dhe të mbajnë premtimet e dhëna në zgjedhjet e 30 qershorit.
Në Peshkopi e Burrel punonjësit e ndërmarrjeve bashkiake dhe ato të rrugëve rurale kanë nisur pastrimin e periferive të qyteteve, largimin e mbetjeve organike dhe inorganike si dhe mirëmbajtjen e mjediseve publike.
Ndërkohë kryetari i Bulqizës po i kushton vëmendje të veçantë furnizimit me ujë të pijshëm dhe vaditës banorëve të zonave rurale. Ai është takuar me qytetarë të njësive administrative dhe po mirëmenaxhon problemet e akumuluara.
Malaj, Imeraj dhe Alla kanë zhvilluar takime të shumta të drejtorët e ndërmarrjeve dhe po analizojnë punën e çdo drejtuesi lokal. /tirananews.al/