Kryetari i Bashkisë së Matit Agron Malaj siguron se viti 2024 do të sjellë më shumë investime dhe punë për përmirësimin e jetesës së komunitetit.
Bashkë me urimin për Vitin e Ri, kryebashkiaku Malaj nënvizon se falë angazhimit, 2023 shënoi dhe përmbushjen e objektivave duke sjellë më shumë investime në zonë.
“Mbyllëm një vit me punë të mira për komunitetin, një vit me plot sfida të mëdha për Bashkinë e Matit ku ne arritëm që të realizojmë objektivat tonë të këtij viti duke edhe i tejklaluar me kryefjalën që është puna, me investime, me gjithë pjesën e infrastrukturës, nga ajo rrugore, tek infrastruktura shumë dimensiomnale në ujësjellësa, kanalizimeve, veshje kapote të pallateve, shkolla, kopshte, çerdhe , rrugë me asfalt. Do të vazhdojmë dhe për vitin 2024, ku një ndër pikat kryesore do të jetë përsëri infrastruktura shumëdimensionale, në kanale vaditëse, rrugë asfalti, rrugë të fshatrave nëpër njësitë administrative, shkolla, kopshte çerdhe, terrene sportive. Pra, do të vazhdojmë me ritëm edhe më të lartë se 2023 për t’i dhënë kësaj bashkie, këtij komuniteti një ambient sa më të jetueshëm, sa më të këndshëm për çdo banor të Matit”, thekson Malaj.
Kreu i Bashkisë shprehet se akoma më shumë punë presin për t’u realizuar këtë vit që sapo ka trokitur. “2023 ishte një vit që gjithsecili nga ne kishte vështirësi sepse dolëm nga pjesa e pandemisë, dolëm nga pjesa e tërmetit, por arritëm që ne sëbashku me gjithë pjesën tjetër të administratës së bashkisë, me investimet tona, më mbështetjen e qeverisë, ia arritëm që të dalim në të gjithë komponentët dhe fushat ku ne kemi bërë goxha punë e investime dhe ku gjithsecili nga ju është dëshmitar i punës së madhe që ne kemi bërë. Por ka akoma edhe më shumë sepse 2024 na pret me akoma më shumë ritme, akoma më shumë investime, akoma më shumë punë për t’i shërbyer komunitetit. Unë desha t’ju uroj të gjithëve gëzuar vitin 2024! Qoftë një vit i mbarë për ju dhe familjet tuaja!”, shprehet kryebashkiaku Malaj.