Kreu i Bashkisë Shkodër, Benet Beci priti këtë të premte në bashki ambasadoren e Japonisë në Tiranë, Kato Kikuko dhe Përfaqësuesen e Përhershme të UNDP-së, Monica Merino. Vizita u bë pasi u krye dorëzimi i dy sistemeve fotovoltaike diellore të cilat janë vendosur në dy kopshte të qytetit të Shkodrës.
Beci u shpreh se ky është veç një hap i parë i këtij bashkëpunimi në godinat e dy kopshteve në Shkodër, ndërkohë që kjo iniciativë do të vijojë edhe në godina të tjera.
”Me Ambasadoren e Japonisë në vendin tonë, Kato Kikuko dhe Përfaqësuesen e Përhershme të UNDP Albania, Monica Merino kryem dorëzimin e dy sistemeve fotovoltaike diellore të cilat janë vendosur në dy kopshte të qytetit të Shkodrës.
Pas nëshkrimit të marrëveshjes, edhe një vizitë pranë kopshtit “Ngjyrat” që është një nga përfituesit e këtij projekti. Ne po punojmë që instalimi i sistemeve fotovoltaike të vijojë edhe në godina të tjera, në përfitime të drejtpërdrejta në diversifikimin e burimeve të energjisë, kursimin e energjisë elektrike dhe dekarbonizimin si përgjigje edhe ndaj ndryshimeve klimaterike dhe sigurimin e energjisë së qëndrueshme pë komunitetet lokale”,-shkruan Beci në Facebook.