Deputetja e Partisë së Lirisë Monika Kryemadhi ka mbërritur në GJKKO, për vlerësim të masës së sigurisë. Ajo është parë e veshur me të zeza, ndërsa në dorë mbante edhe kafe.
Në fjalën e saj për media, ajo u shpreh se ky është një sistem drejtësie i kastruar, që përdoret për propagandën e qeverisë.
Ndaj Kryemadhit, SPAK ka dhënë masën e sigurisë “detyrim paraqitje”.
Në fjalën e saj për media, ajo u shpreh se ky është një sistem drejtësie i kastruar, që përdoret për propagandën e qeverisë.
“Po shkoj sot për t’u paraqitur përballë një sistemi drejtësie të kastruar, në qoftë se inteligjencën nuk e kanë aq të zhvilluar sa të kuptojnë se çfarë do të thotë fjala kastruar, për t’u treguar dhe për të kërkuar nga ata kush e ka shpërndarë dosjen në media që ka nxjerrë sekretin hetimor. Pra, për të kuptuar që drejtësia e Edi Ramës nuk është drejtësia që kërkojnë shqiptarët, nuk është drejtësia e partnerëve tanë për të cilën kanë shpenzuar miliona dollarë dhe miliona euro. Do shikojmë dhe fytyrat si i kanë, a do e përballojnë dot apo jo”, tha Kryemadhi.
Kujtojmë se më datë 21 tetor, u arrestua me urdhër të SPAK presidenti i Partisë së Lirisë Ilir Meta, ndërsa janë lëshuar masa sigurie edhe për bashkëpunëtorët e tij.