Kryetarja e Lëvizjes Socialiste për Integrim, Monika Kryemadhi teksa po i bashkohej protestës, tha se gjithë qytetarët që i janë bashkuar protestës së opozitës hyjnë për 1 sekondë brenda zyrës së Kryeministrit Rama.
“Kam edhe një mesazh për Edi Ramën, i cili besoj se nuk do të jetë në zyrën e tij si gjithmonë, por duhet të kuptojë që me gjithë ata njerëz në shesh e di shumë mirë që në 1 sekondë zyra e tij pushtohet. Duhet të kuptojë se do të jetë shumë më keq që qytetarët t’i hyjnë në zyrë. Prandaj tu japi shansin dhe mundësinë shqiptarëve për zgjedhje të lira dhe të ndershme.
Akti final vjen për rrëzimin e kapjes së shtetit. Akti final vjen kur shqiptarët të kenë zgjedhje të lira dhe të ndershme. Është një proces që do të vijë për një periudhë të shkurtër kohe”, tha ajo.