Një ditë pasi ndaj saj u vendos masa “detyrim paraqitje”, Monika Kryemadhi ka dalë në një deklaratë për mediat.
Deputetja foli për ish-bashkëshortin e saj, Ilir Metën, për të cilin tha se nuk ka paguar asgjë vetë, madje dhe rrogën e tij në bankë e merrte ajo.
“Për çdo gjë që flitet aty Meta nuk ka paguar asgjë vetë, as një shishe ujë, çdo gjë e kam paguar unë, ai është marrë me politikë.
Edhe rrogën e tij e merrja unë në bankë, paguaja drita dhe ujë, Meta u mor vetëm me politikë të madhe, liberalizimin e vizave “, tha Kryemadhi.