Në një takim me strukturat e LSI-së në Gjirokastër, kryetarja e kësaj partie, Monika Kryemadhi u bëri sërish thirrje anëtarëve të LSI-së që t’i bashkohen protestës së studentëve.
Gjatë fjalës së saj ajo nënvizoi, se studentët janë të vetmit që i dhanë një mësim të mirë politkës.
“Studentët i kanë dhënë një dimension tjetër jetës politike dhe dimension tjetër i kanë dhënë edhe reagimit qytetar. Ata mbajnë zjarrin e protestës ndezur edhe pse janë me pushime. Ne kemi bërë thirrje që të palosni flamurin e LSI dhe të shpalosin flamurin kombëtar. Protesta ishte një sinjal shumë i mirë, por për hir të vërtetës duhet të bëjë që të na vrasë ndërgjegjja.
Studentët i dhanë një mësim politikës shqiptare, pasi thanë se nëse politikanët nuk reagojnë do reagojnë ata. Studentët e Gjirokastrës duhet t’i bashkohen atyre të Tiranës. Mos hapja e negociatave për Shqipërinë ishte një sinjal shumë i keq. 30 qershori do jetë jo vetëm ditë zgjedhjesh lokale, por edhe dhe ditë e zgjedhjeve të përgjithshme.”- tha Kryemadhi. Sa i takon situatës politike në vend ajo tha, se nga informacionet sekrete qe ajo ka, ka mësuar se në qershor të vitit të ardhshëm do të ketë zgjedhje te reja. V.D/ Tirananews/