Kryetarja e LSI-së Monika Kryemadhi ka zbuluar se pse presidenti Meta thotë se Rama e ka dhe duhet ta ketë frikë atë.
Ajo tha në një intervistë për Report tv se Rama ka frikë nga Meta, pasi gjatë gjithë karrierës së tij në politikë, çdo gjë e ka nga Meta. Si postin e ministrit të Kulturës, atë të kryetarit të bashkisë dhe në 2013 mandatin e kryeministrit.
Më tej e pyetur për “rebelimin” e saj në lidhje me maskën, Kryemadhi tha se e vendos vetëm kur është afër me njerëz, dhe se Meta e “kritikon” se pse nuk e mban dhe pse bën deklarata të forta në lidhje me koronavirusin.
Kryemadhi: Nuk ka nevojë Ilir Meta ta mbrojmë ne se ai na ka mësuar ne si të mbrohemi dhe si të bëjmë politikë. Rama duhet të ketë frikë nga Meta se po të kthehemi pas në histori çdo gjë që Rama ka marrë në politikë ka ardhur si rezultat i Metës. Është bërë 3 herë kryetar i Bashkisë së Tiranës nga Meta kur e propozoi atëherë Fatos Nano. Fatos Nano ishte bërë pishman pse e kishte sjellë nga Parisi. Qendresa dhe kurojo që i dha Meta në kohën kur u bë ministër Kulture dhe më pas kryetar Bashkie. I ka marrë me suportin e Metës. Më pas kemi dhe 2013 që Rama po të mos ishte në koalicion me LSI do e kishte të pamundur fitoren. Ai e di shumë mirë tolerancën që ka Meta në qeverisje. Sot ai e kupton shumë mirë këtë gjë…
Nuk besoj që Meta ka marrë rolin e opozitës, ai flet për kushtetutën, që është çështje e gjithë Shqipërisë, jo vetëm e opozitës.
Unë nuk është se se mbaj maskën. Por ajo nuk mbahet në rrugë, por kur jeni shumë afër me njerëzit. Iliri më thotë ndonjëherë çështë kjo kshu pa maskë, pse këto deklaratat kështu. Po unë nuk jam ekonomist si Ilir Meta dhe as jurist si Basha që të mbaj maskë, unë kam mbaruar për biokimi.