Edhe në Greqi, qeveria flet për rritje page. Në prag të fushatës elektorale, kryeministri Kyriakos Mitsotakis ka premtuar rritje të pagës minimale në vend me 3-4% duke filluar nga 1 janari i viti 2024. Aktualisht paga minimale në shtetin fqinj është 780 euro.
Po ashtu Mitsotakis ka premtuar se rritja e pagës minimale do të vazhdojë dhe deri në vitin 2027 do të kapë vlerën e 950 eurove.
Sipas shtypit grek, kreu i qeverisë ka premtuar gjithashtu edhe rritje të pagës mesatare që do të shkojë në 1500 euro brenda një periudhe 4-vjeçare, duke filluar nga viti 2023 deri në vitin 2027.
Sipas Mitsotakis, synimi është që të ulet shkalla e papunësisë në 8% deri në vitin 2027.