Mediat kineze kanë pasqyruar takimin e kryeministrit të tyre Li Keqiang me homologun shqiptar Edi Rama në Dubrovnik, në kuadër të samitit të 8-të të vendeve të Europës qëndrore, asaj juglindore si dhe Kinës, të njohur si iniciativa 16+1.
Kryeministri kinez ka mirëpritur zgjerimin e eksporteve shqiptare sidomos në produktet e agrokulturës, si mjaltë, vaj ulliri dhe verë në Kinë, shkruajnë mediat.
Këtë vit shënohet dhe 70-vjetori i vendosjes së marrëdhënieve Shqipëri-Kinë, dhe presidenti kinez tha se marrëdhëniet tradicionale mes dy vendeve sot janë në nivelin më të rëndësishëm të zhvillimit.
Ndër të tjera mediat kineze bëjnë të ditur se është folur për një marrëveshje për heqjen e vizave mes dy vendeve, si një lehtësi për shkëmbimin e të rinjve dhe konsolidimin e mbështetjes publike për zhvillimin e marrëdhënieve dypalëshe ka thënë kryeministri Li Keqiang.