Kryeministri i Britanisë së Madhe, Rishi Sunak është nën hetim administrativ për një konflikt të dyshuar interesi familjar. Historia ka të bëjë me një institucion për kujdesin e fëmijëve, subjekt i projekteve legjislative të promovuara nga qeveria, në të cilin gruaja e Sunak, një trashëgimtare shumë e pasur dhe biznesmene me origjinë indiane, duket se kishte pasur interesa biznesi që kryeministri nuk i kishte deklaruar në atë kohë.
Sunak ka mohuar gjithmonë çdo shkelje në të ashtuquajturat deklarata të interesit të paraqitura prej tij ndër vite, që nga zgjedhja e tij deputet në vitin 2015 dhe marrja e posteve të para qeveritare në vitin 2018, përfshirë edhe rastin në fjalë.
Downing Street nga ana e tij ka bërë të ditur se pret një vendim në favor të kryeministrit. Gruaja e Sunak, Akshata Murty, është vajza e një prej biznesmenëve më të pasur të Indisë.