Kryeministri Edi Rama është duke mbajtur një konferencë për shtyp, ku thekson se rritja e çmimit të naftës nuk varet nga qeveria jonë. Rama u shpreh se nëse nafta sot shitet me çmime rekord në Shqipëri, kjo nuk ndodh për fajin tone. Ajo ka ardhur si ndikim nga tregu jashtë dhe se qeveria nuk mund të ndërhyjë.
Gjithashtu, kryeministri shtoi se Europa sot është në luftë dhe për rrjedhojë, ata duhet të jenë të përgatitur për çdo skenar. Megjitjatë në përpjekje për ta përballuar në mënyrë sa më të lehtë këtë situatë, Rama tha se kanë ngritur edhe komitetin special.
“Dua ta theksoj shumë qartë çmimi i naftës nuk varet nga qeveria. Nuk është qeveria në tregun e lirë në një vend qe e ka zgjehur prej 32 vitesh tashmë, është tregu. Dhe natyrisht që tregu është super i ndjeshëm. Evropa ka hyrë në luftë. Ushtarakisht lufta zhvillohet mes një agresori dhe një vend nën agresion, ndërsa në të gjitha aspektet e tjera lufta zhvillohet mes të gjitha vendeve që zhvillojnë agresionin.
Duhet të jemi të vetëdijshëm që në luftë nuk ka mundësi për të kërkuar të njëjtat gjëra dhe se duhet të përgatitemi për çdo skenar. Askush nuk e di sa do të zgjasë kjo luftë. Jemi në të njëjtat kushte të të panjohurës siç ishim me luftën tjetër, me pandeminë, ku nuk e dinim kohëzgjatjen. E njëjta gjë është sot. Përgatitemi për disa skenarë. Për këtë arsye kemi vendosur të ngremë komitetin special dhe jemi ulur qysh në ditën e parë për të përgatitur skenarët e mundshëm, nga më të thjeshtët te më të vështirët”, tha Rama.