Shifrat janë të preferuarat e kryeministrit Edi Rama. Teksa e cilëson 2022 si vitin e turizmit për Shqipërinë, kreu i qeverisë zbulon se në vend kanë ardhur rreth 4 herë më shumë vizitorë nga Spanja dhe 97,1% më shumë vizitorë nga Britania.
“2022 një vit i mbarë për turizmin, duke vijuar trendin rritës krahasuar me vitin 2021, ndërsa shënoi edhe flukse të reja turistike që iu shtuan mysafirëve që ne si vend mikpresim çdo vit.
Rreth 4 herë më shumë vizitorë nga Spanja. 97,1% më shumë vizitorë nga Britania. Rreth 3 herë më shumë vizitorë nga Holanda. Më shumë se dyfishim i vizitorëve nga Sllovenia. Dyfishim i vizitorëve që vijnë nga vendet skandinave”,-shkruan Rama.