Kryeministri Edi Rama pritet të udhëtojë sot (e hënë, datë 22.03.2021) në Francë, ku do të takohet me Presidentin francez, Emmanuel Macron.
Lajmin e ka bërë të ditur faqja zyrtare e Presidencës franceze, ku ndër të tjera njofton se takimi mes Ramës e Macron do të nisë në orën 13:00.
Pas takimit, pritet që ata të drekojnë së bashku në Elysee, e cila është parashikuar në orën 13:20.
Nuk dihet se për çfarë temash do të diskutohet mes Presidentit francez dhe kryeministrit shqiptar, duke qenë se në lidhje me takimin, nuk ka asnjë njoftim nga palët.
Vlen për t’u përmendur se takimi i fundit i kryeministrit Rama në Francë daton më 15 maj të vitit 2018-ë.