Italia kërkon që Europa të mendojë sa më shpejt një zgjidhje afatgjatë në lidhje me konfliktin në Lindjen e Mesme.
Kryeministrja italiane, Giorgia Meloni, pas përfundimit të Këshillit Evropian të Brukselit, theksoi se për atë që po ndodh në Lindjen e Mesme, Evropa duhet të punojë me synimin e një zgjidhjeje afatgjatë, e cila duhet të hartohet tani.
“Duhet të jemi konkret për zgjidhjen e dy popujve dhe dy shteteve. Prioritetet e BE-së janë të njëjta me ato të Italisë, me theks në uljen e tensionit dhe zhvillimin e përpjekjeve në fushën humanitare”, tha kryeministrja italiane.