Kryepeshkopi i Tiranës, Durrësit dhe të gjithë Shqipërisë, Anastasi bëri urimin e përvitshëm për Krishtlindjen.
Në mesazhin e tij ai thotë se Krishtlindja, nuk është thjesht një rast për të shkëmbyer urime dhe dhurata, por mbi të gjitha është një burim i pashtershëm shprese të shumanshme për vlerën e çdo qenie njerëzore dhe për domethënien e jetës.
Duke u ndalur tek lufta në Ukrainë dhe në Palestinë, Kryepeshkopi bëri thirrje për ndalimin e përplasjeve vrastare dhe të krizave të ndryshme shoqërore që kudo në tokë të mbretërojë paqja.