Ish-zv.ministrja e Partisë Demokratike dhe ish-anëtarja e Kryesisë së Partisë Demokratike, Edith Harxhi ka reaguar ashpër pas zgjedhjes së kryesisë së re të Partisë Demokratike.
Në një status në rrjetet sociale, Harxhi ngre shqetësimin se në këtë kryesi nuk u fut asnjë grua e zonja si nënkryetare apo sekretare.
“Ajo PD që solli demokracine në Shqipëri është kthyer në Parti maskiliste. Asnjë grua të zonjen nuk kish në PD për nënkryetare apo sekretare, te mos asim më pas për përzgjedhjen e Sekretareve që s”kanë as kartë anetaresie. E ku e gremisi ky kryetar këtë Parti dhe opozitën!”, shkruan Harxhi.
Ditën e djeshme, Partia Demokratike mblodhi këshillin Kombëtar ku u zgjodh kryesia e re, përfshirë me kreun e Këshillit Kombëtar, nënkryetarët dhe sekretarin e Përgjithshëm të PD, që tashmë është Gazmend Bardhi.