Zhuljen Varfaj ka dhënë dorëheqjen nga detyra e tij si kryetar i komanduar i bashkisë së Durrësit.
Sipas News 24, arsyeja e dorëheqjes ka qenë shëndetësore. Ai u komandua në këtë post pasi ish kryetarja e bashkisë Valbona Sako dha dorëheqjen për shkak të krizës së tërmetit dhe deklarata e saj në media që u kritikua shumë nga opinioni publik për pamaturi.
Kërkesa e dorëheqjes
Sot me dt 23.04.2020, Unë Zhuljen Ago Varfaj,
Me detyrë Zëvendës Kryetar i Bashkisë Durrës i emëruar me vendim të Këshillit Bashkiak Durrës nr-dt- për të ushtruar detyrat si dhe funksionet e Kryetarit të Bashkisë së Durrësit, i gjendur para një situate krejtësisht të pa favorshme, madje me rrezik të shtuar për shëndetin tim, parashtroj dhe jap dorhëheqjen time të parevokueshme nga detyra dhe funksionet e ngarkuara.
Do të dëshiroja të falenderoja dhe të vlerësoja me mirënjohje Këshillin Bashkiak të Durrësit për besimin dhe mbështetjen e dhënë nga çdo anëtar i tij, bashkëpunëtore e bashkëpunëtorë të mi të administratës së Bashkisë Durrës, që në këtë periudhë të vështirësive të mëdha për Durrësin kanë dhënë dhe bërë më të mirën e tyre në zgjidhjen e shumë problematikave dhe kërkesave të qytetarëve të Durrësit.
Me respekt, Zv/Kryetar, Zhuljen VARFAJ
