Aleatët e Partisë Demokratike, Agron Duka dhe Dashamir Shehi kanë deklaruar se megjithëse do të marrin pjesë, nuk kanë shpresë te protesta e opozitës. Shehi tha se gjatë dy viteve nuk është bërë asnjë punë për reformën zgjedhore.
Agron Duka thotë se: “Jam shumë dakord me këtë që thoni ju, rruga drejt fitores së opozitës, kalon në mënyrë institucionale. Protestat janë një rrugë, por nuk mund të çojë në fitore. Nuk e di sa mund të ndikoj unë në trenin e madh të opozitës, por aq i vogël sa jam dua të kontribuoj. Duhet ndryshuar Kodi Zgjedhor së pari, duhet votuar në parlament, pastaj të tjerat”.
Ndërsa Dashamir Shehi shprehet: “Opozita bën luftë për numërimin e votave, për pjesën e parë të gjësë, bota e krimit, presioni mbi administratë etj. kjo është shumë e rëndësishme, sepse ditën që vidhen zgjedhjet, sistemi nuk ka më rëndësi. Me këtë pjesë jemi dakord, vijmë te pjesa e dytë. Unë i drejtohem në radhë të parë aleatëve tanë, që nëse nuk ndryshohet sistemi zgjedhor, unë anëtar i komisionit nuk e votoj. Kemi dy vjet nuk kemi bërë asgjë”.