Talat Xhaferi u shpall sot “Qytetar Nderi” në Lezhë.
Antarët e Këshillit Bashkiak u dokartësuan ta vlerësojnë kryetarin e Parlamentit të Maqedonisë së Veriut me këtë titull të rëndësishëm.
Kryetari i Bashkisë Lezhë Pjerin Ndreu u shpreh se:
“Këshilli Bashkiak Lezhë nderoi sot Kryetarin e Parlamentit të Maqedonisë së Veriut Zotin Talat Xhaferi, me titullin “Qytetar Nderi” për lidhjet e ngushta me këtë qytet, si i vetmi personalitet i këtij rrangu që pushon familjarisht, promovon turizmin lezhjan.”
Ndreu shton se ky titull i jepet Xhaferit: “Edhe për kontributin e tij atdhetar në ruajtjen e vlerave patriotike e kryerjen me dinjitet e devocion të detyrave të ngarkuara ndër vite e veçanërisht si politikan i spikatur e Kryetar i Kuvendit, duke valorizuar faktorin shqiptar shtetformues në të gjitha aspektet.”
Në ceremonine e zhvilluar mori pjesë edhe Kryetarja e Kuvendit të Shqipërisë znj. Lindita Nikolla, Ambasadori i Shqiperise ne Shkup Fatos Reka si dhe miq, dashamirës të Z.Xhaferi nga të gjitha trevat shqiptare.