Kryetari i ri i Komunës së Mitrovicës Veriore, Erden Atiq këtë të të hënë i është drejtuar me një kërkesë KOSTT-it dhe Zyrës së Rregullatorit për Energji (ZRrE), për të nisur pagesën e faturave të energjisë elektrike në institucionet publike të kësaj komune.
“Sot ju drejtova KOSTT dhe ZRRE me kërkesën për të na kyçur dhe filluar pagesën e rrymës elektrike në institucionet publike të Komunës sonë. Gjithashtu kërkova që të na njoftojnë mbi borxhin që i duhet paguar institucioneve të Republikës së Kosovës për rrymën e papaguar nga komuna që drejtoj”, ka shkruar Atiq në Facebook.
Siç është informuar më parë, në katër komunat veriore të Kosovës, serbët nuk kanë paguar asnjëherë energjinë e shpenzuar në atë pjesë.