Se në cilën skuadër do të jetë Armando Broja në sezonin e ri, mbetet një nga misteret më të mëdha të kësaj merkato. Listës së gjatë të skuadrave që kërkojnë shërbimet e talentit kuqezi së fundmi është shtuar dhe Ajax.
Gjigantët holandez e shikojnë sulmuesin kuqezi si alternativën e duhur për të zëvendësuar sulmuesin Sebastian Haller i cili zyrtarizohet te Dortmund për pak ditë. Palët janë futur menjëherë në bisedime dhe sinjalet janë pozitive. Blutë e Londrës e vlerësojnë sulmuesin të paktën 30 milionë paund ndërsa holandezët kërkojnë ta marrin në formë huazimi me të drejtë blerje, hipotezë që mund te vlerësohet nga ana e Chelsea-t.
Për Armando Brojën kanë shfaqur interes disa nga klubet më të mëdha europiane. Përmendim këtu Arsenal, Napoli, Dortmund, West Hem, Ajax e shumë të tjerë. 20-vjeçari ka ende katër vite të tjera kontratë në “Stamford Bridge”, por a do të jetë në planet e teknikut Tomas Tuchel, kjo mbetet për t’u parë.