Kuba është përsëri në errësirë totale, pas vështirësive me furnizimin me energji. Sitata është përkeqësuar pas urdhrit ekzekutiv të Donald Trump që paralizoi vendin duke bllokuar në mënyrë efektive importet e naftës.
Ky është kolapsi i katërt total i rrjetit kombëtar të energjisë elektrike i regjistruar në më pak se dy muaj.
Në javët e fundit, ndërprerjet e energjisë elektrike në zona të ndryshme të Havanës kanë zgjatur për më shumë se tridhjetë orë, duke kompromentuar gjithashtu furnizimin me ujë për shkak të mungesës së energjisë për të vënë në punë pompat. Kriza energjetike u përkeqësua më tej nga operacioni ushtarak amerikan në Venezuelë.
Pas operacionit, Presidenti i SHBA-së Donald Trump deklaroi se Kuba nuk do të merrte më naftë apo para nga Venezuela, teksa vuri tarifa shtesë për vendet që do ta furnizonin Kubën me naftë.