Është vertetuar se produkte ushqimore të caktuara ndikojnë në përmirësimin e humorit tonë, por ja që ndodh edhe e kunderta, disa ndikojnë negativisht. Bëhet fjalë për sheqerin, prania e të cilit ka lidhje të drejtpërdrejtë me mbipeshën, diabetin dhe sëmundjet e zemrës.
Studimet zbuluan së fundmi se sheqeri i tepërt mund të jetë shkaktar i shumë çrregullimeve mendore. Personat që konsumojnë shumë sheqer kanë 23 përqind më shumë gjasa të preken nga depresioni në harkun kohor të 5 viteve.
Sheqeri Dhe Depresioni
Ekspertët paralajmërojnë se sheqeri është një faktor i rëndësishëm në shfaqjen e këtyre çrregullimeve dhe për ktë rekomandojnë që njeriu nuk duhet të konsumojë më shumë se 36 gramë sheqer në ditë.
Ndaj nëse nuk jeni të vëmendshëm ndaj përmbajtjes së sheqerit në ushqimet tuaja, atëherë me siguri po e teproni.
Sinjalet e trupit kur e teproni me sheqerin
- Mungesë energjie dhe lodhje
- Trullosje (veçanërisht pasi ke ngrënë)
- Humbja e shijes
- Probleme me këmbët dhe lëkurën
- Rrathët e zinj tek pjesa e poshtme e syve
Si ta shmangni?
Hiqni dorë prej bukës së bardhë, ëmbëlsirave të pastiçerive dhe drithrave të ëmbëlsuar dhe zgjidhni bukë me drithëra të plotë, perime dhe fruta.
Nëse blini ushqime të paketuara, kontrolloni etiketat në mënyrë që të zbuloni sasinë e sheqernave të fshehur. Këto të fundit gjenden tek drithërat, buka, salcat, ushqimet e gatshme dhe të përpunuara.
Sheqernat maskohen me terma të ndryshëm si glukozë, dekstrozë, ëmbëlsues, shurup e të tjerë.
Nëse një produkt përmbajn më shumë se 5 përqind sheqer për çdo gramë sasi atëherë mos e konsumoni.