Temperaturat e ulëta dhe ajri i thatë në hapësirat në të cilat qëndroni ndikon në lëkurën tuaj.
Ju paraqesim disa mënyra, të cilat do t’ju ndihmojnë që gjatë ditëve të ftohta lëkura juaj të jetë e hidratuar dhe e shëndoshë, transmeton Telegrafi.
Sapuni i butë
Me rënien e temperaturave, lëkura juaj bëhet gjithnjë e më e thatë. Niveli lagështisë në lëkurë bie, ndërsa që fytyra juaj bëhet e thatë si dhe vjen deri tek skuqja e fytyrës.
Gjatë stinës së dimrit kjo është pothuajse e pashmangshme, por, për t’i pakësuar efektet negative, sapunin e vjetër zëvendësojeni me një tjetër që për bazë ka preparatet prej vajit që nuk zvogëlon hidratimin.
Tonik për fytyrë pa alkool
Përdorimi i tonikut për fytyrë pas pastrimit me sapun është një lëvizje e mençur. Duhet shmangur përdorimin e preparateve që përmbajnë alkool. Një sasi të vogël të tonikut e vendosni në sfungjer dhe ngadalë fytyrës i bëni masazh.
Hidratimii lëkurës
Losionet dhe kremrat që keni përdorur gjatë stinës së verës duhet t’i zëvendësoni me më të yndyrshme. Kushtet dimërore ndikojnë në skuqjen e lëkurës, qërimin dhe djegien e saj, sidomos tek ata persona që kanë lëkurë të ndjeshme apo lëkurë më të ekspozuar ekzemave.
Preparatet më të mira janë ato që lëkurën e bëjnë më të butë dhe që lagështinë e mbajnë aty, pra në lëkurë.
Pilingu i fytyrës
Me moslargimin e qelizave të vdekura nga fytyra, në masë të madhe thani fytyrën. Për të shmangur dehidrimin, bëni piling një herë brenda javës. /Telegrafi/