Ernest Gjoka nuk do të jetë më në krye të klubit të Kukësit. Shkarkimi i trajnerit ka ardhur si pasojë e rezultateve të dobëta në kupat e Europës, ku verilindorët u eliminuan në turin e parë të Europa League ndaj Debrecenit. Njoftimi për shkarkimin e trajnerit ka ardhur nga faqja zyrtare e Kukësit në Facebook, ndërsa tashmë nënkampionët e Shqipërisë do të mendojnë për të emëruar trajnerin e ri.
Njoftim i Klubit!
Trajneri Ernest Gjoka nuk do të jetë më në krye të skuadrës së Kukësit. Vendimi është marrë pas rezultateve zhgënjyese të ndeshjeve kualifikuese të Europa League. Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë.
FK Kukësi falenderon trajnerin Gjoka për punën e bërë në krye të ekipit. Shumë shpejt, klubi do të njoftojë për emrin e trajnerit të ri, i cili objektiv kryesor do të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës!!
