Teuta është ngjitur sot në vendin e dytë në Superiore me një fitore 3-0 ndaj Kukësit. Por dueli i luajtur në “Elbasan Arena” nuk do të kalojë pa polemika të shumta, sidomos sa i përket gjykimit të sfidës nga Juxhin Xhaja pasi gjyqtari u mohoi verilindorëve dy penallti në pjesën e parë.
Ndeshja ishte e hapur me raste në të dy portat, por në 45 minutat e para, Kukësi pretendoi në dy raste për penallti të cilat nuk u akorduan nga gjyqtari kryesor i sfidës, i cili për më tepër në rastin e dytë dha edhe faull të pakuptimtë në sulm për Eze.
Ne pjesën e dytë, Teuta përfitoi nga pavëmendja e mbrojtjes së Kukësit dhe brenda pak minutash e ndëshkoi dy here me Emiljano Vilën dhe me Dejvi Bregun, ku në rastin e dytë është përsëri një pozicion i dyshimtë jashtë loje në aksionin e golit të lojtarit vlonjat. Kukësi u mundua të reagonte por pa shumë ide, ndërsa u ndëshkua në fund edhe nga Lorenco Vila I cili vulosi fitoren 3-0 të skuadrës së tij.