“Lideri i Europës është Kryeministri i Turqisë, Rexhep Taip Erdogan”, kështu deklaroi analisti Ilir Kulla.
I ftuar në emision “Opinion”, analisti Kulla e argumentoi këtë deklaratë të tij duke thënë se Erdogan po luan rol ndërmjetësues në luftën e Rusisë në Ukrainë. Analisti Kulla thotë se Kryeministri turk Erdogan është kthyer në fuqinë më të fortë Mesdhetare.
Ilir Kulla: Lideri i Europës është Erdogani.
Blendi Fevziu: Po si qenka lideri i Europës Erdogani?
Ilir Kulla: Ai është lideri i Europës. Ushtrinë e parë e çoi ai. Armatimet e para i çoi ai, ndihmën e parë Ukrainë ia dha ai. Ditët e para që u luftua, dronët e kujt ishin atje?
Blendi Fevziu: Dronët po, por jo ushtrinë.
Ilir Kulla: Dronët ushtria i komandon se nuk i komandojnë civilët.
Ilir Kulla: Negociatat i bën ai, bëhen nëpërmjet tij. Negociatat po bëhen në mënyrë indirekte dhe ka edhe faktorë të tjerë perëndimorë që po ja asistojnë negociatat. Në të njëjtën kohë garanton stabilitetin me Sirinë dhe ka dhe Iranin në pjesën tjetër të kufirit. Tani ju thotë se ju ishit ata që nuk më donit mua.
Blendi Fevziu: Nga i erdhi kjo fuqi Erdoganit?
Ilir Kulla: E fitoi luftën me Azerbajxhanin. Ky është ai lider i cili u ka thënë këtyre: Shikoni, ju po mendoni Europën si një gjë që është vetëm në veri, kurse unë po ju them se Europa ka një strategji që në fakt përpara të gjithëve e ka pasur Musolini, që qendra e Europës është Mesdheu dhe ai është kthyer në fuqinë më të fortë Mesdhetare sepse jashtë Europës e lanë këta, ai donte të hynte në Europë.