Ish-ministrja e Mbrojtjes Mimi Kodheli reagon pas akuzave të Sali Berishës për zgjedhjen në krye të Këshillit të Lartë të Prokurorëve të kunatit të saj Gent Ibrahimi. Berisha e quajti kapje të sistemit të drejtësisë përzgjedhjen e tij.
Por Kodheli, në emisionin “5 Pyetje nga Babaramo” në Report Tv thotë se ndryshe nga Berisha që “s’njeh kunatin e tij”, ajo e njeh shumë mirë dhe thekson se mes karrierës së Ibrahimit dhe karrierës së saj nuk ka asnjë lidhje.
“Unë nuk jam nga ata që nuk e njoh kunatin, unë e njoh shumë mirë. Karriera e tij politike nuk ka të bëjë aspak me karrierën time. Ai është një konstitucionalist i shkëlqyer. Kjo reformë dhe ky sistem monitorohet pafundësisht nga ndërkombëtarët. Ne jemi nga vendet e pakta në botë që kemi futur në kushtetutë një strukturë monitoruese të huaj”, u shpreh Kodheli.