Lara Colturi ka bërë një lëshim të parë të shkëlqyer në ndalesën e radhës të Kupës së Botës për Skitë Alpine. Skiatorja që përfaqëson Shqipërinë e mbylli në vendin e dytë lëshimin e parë në disiplinën e Slalomit.
Me kohën 54 sekonda e 79 të qindtat, 19-vjeçarja ishte vetëm 0.09 të qindtat pas zviceranes Camille Rast, e cila doli e para. Pas Larës emra si Katharina Liensberger, Mikaela Shiffrin apo edhe Zrinka Ljutic.
Në orën 17:45 do fillojë edhe lëshimi i dytë për 30 skiatoret e mbetura në garë, nga ku do mësohen edhe rezultatet finale. Kujtojmë se dje Lara Colturi nuk mundi ta mbyllë garën në këtë pistë, duke u eliminuar, në disiplinën e Slalomit Gjigant.
