Europa do të ketë një ombrellë të sajën të sigurisë, e cila falë inteligjencës artificiale, do të jetë edhe më e avancuar.
Kompania italiane Leonardo prezantoi planet e saj për “Kupolën e Michelangelos”, e krijuar të ofrojë një mbrojtje të vyer antiajrore për qytetet europiane dhe infrastrukturën kyçe nga kërcënimet në rritje për sigurinë.
Projekti është zhvilluar për mbrojtjen e zonave dhe pasurive kombëtare dhe europiane strategjike nga sulme të tilla si raketat hipersonike dhe dronët.
“Sistemi Michelangelo, Leonardo konfirmon përsëri angazhimin e tij për zhvillimin e zgjidhjeve që mbrojnë qytetarët, institucionet dhe infrastrukturën duke kombinuar teknologjinë e avancuar, vizionin sistematik dhe aftësitë e fuqishme industriale”, tha Roberto Cingolani, CEO dhe drejtor i përgjithshëm i kompanisë.
“Në një botë ku kërcënimet rriten shpejt dhe bëhen gjithnjë e më komplekse – dhe ku mbrojtja është më e shtrenjtë se sulmi – duhet inovuar e pranuar bashkëpunimi ndërkombëtar”, shtoi ai.
Kupola e Michelangelos ndryshon nga sistemet ekzistuese mbrojtëse pasi kombinon sensorët më të avancuar tokësorë, detarë, ajrorë dhe hapësinorë, si dhe platforma për mbrojtjen kibernetike, sistemet e komandës dhe kontrollit dhe inteligjencën artificiale.
Ombrella në fjalë përdor sensorë të shumëfishtë dhe algoritme parashikuese për të parashikuar aktivitetet e armikut dhe për të koordinuar automatikisht masat më efektive mbrojtëse. Kompania njofton se synon që projekti të jetë plotësisht operativ deri në fund të kësaj dekade.