Kryetari i Partisë Demokratike, Sali Berisha deklaroi sot se revolucioni i paralajmëruar nga opozita do të nisë shumë shpejt.
Berisha tha se shoqëria shqiptare po zien teksa akuzoi kryeministrin Rama se po bën përpjekje për të mbajtur peng vendimin e gjykatës për regjistrimin e PD-së.
Keni premtuar revolucion dhe protesta. Vjeshta iku, dimri po kalon. Kur do nisë revolucioni?
Do fillojë në një hark kohor të shkurtër. Përgatitjet po bëhen. Shoqëria shqiptare po zien. Përpjekja e tij anti kushtetuese duke mbajtur peng vendimn e gjykatës, duke mos lejuar regjistrimin e vendimit. Ne ekzistojmë në përputhje me ligjet. Këtu del lakuriq Edi Rama që është një bastard i xhelatëve të tij. Sot ky beson se mund të ekzekutojë pluralizmin. Shkohet drejt një beteje pa rikthim.
Do mbani përgjegjësi për zgjedhjet e 14 majit, apo në 15 maj do thoni “fajin e ka kundërshtari”?
Kundërshtari po bën gjithçka për të vjedhur zgjedhjet. Mund të them se i gjithë buxheti po shpërndahet i gjithi për zgjedhje. Ka një bashki ku kryetari i bashkisë ka fituar 30 milionë euro tendera për të blerë votat. Po ndjekim gjithçka. Ju e morët vesh vendimin, grupi kriminal Edi Rama, Ulsi Manja, Qefalia etj me radhë i shpëtuan burgut. Asnjë hetim.
Po punësohen demokratë për vota…
Është e vërtetë kjo që po ndodh që po punësojnë masivisht për vota, por unë kam besim se çdo shqiptar e ka të qartë se shitja e votës përbën një akt destabilizues për vendin. Nuk them se kanë firmosur për të shitur votën, por shitja e votës është një akt shumë i dënueshëm. Kam besim se demokratët nuk do mashtrohen, por do flasin në përputhje me idealet e tyre, me votë.
Hetime pasurore për ju dhe z. Meta?
Kam qenë dhe do të jem gjithmonë i hapur për çdo lloj hetimi mbi tokë. jam fatmirësisht i vetmi ndofta që iu nënshtrova një hetimi intensiv ndërkombëtar nga agjencitë më të fuqishme të planetit dhe doli ajo që thashë. Dhe 100 vite nuk do gjejnë gjë kundër meje.