Zaimina Vasjari, e cila njihet për natyrën e saj sportive, nuk ngurroi t’iu përgjigjej pyetjeve të formulara për të gjatë emisionit “Zemër Luana”, në të cilin ishte e ftuar.
Ajo u përfshi në një lojë bashkë më dy të ftuarat e tjera Semi Jaupaj dhe Kanita ku do të flisnin për çështjet e zemrës. Një prej pyetjeve që iu drejtua vajzave ishte për njohjen më të çuditshme që ato kanë pasur.
“Kur jam dashuruar unë ka qenë koha e qerosëve me X5”, u shpreh këngëtarja, duke shkaktuar të qeshura dhe pasuar me një batutë të Besit: “Por ti zgjodhe atë me X6”.
Kjo pasi edhe bashkëshorti i Zaiminës, Klodi është qeros e kjo është arsyeja që këngëtarja ka bërë këtë deklaratë të tillë.