Fotografi Feliks Bilani, ka postuar sot në faqen e tij ne Facebook, disa foto kur Sandër Lleshaj, në atë kohë, gjeneral në Ministrinë e Mbrojtjes, nderonte Ministrin, Arben Imami. Me siguri, kjo ka qënë pjesë e punës dhe e kodit të ushtarakut, që të nderojë eprorin civil, megjithatë, sërish këto foto të bëjnë përshtypje, duke marrë parasysh profilin e sotëm të Lleshajt, që është shfaqur jo pak arrogant dhe kundërshtar i fortë politik i PD.
Pikërisht, fakti se ishte ende gjeneral me gradë, u bë pengesë për dekretimin e tij nga Presidenti Meta, kur u propozua nga Rama si Ministër i Brendshëm. Dekretim që ndodhi, pasi Lleshaj u lirua nga detyra e gjeneralit.
