Rezart Veleshnja ka rrëfyer në Wake Up ditët e tija në karantinë ku siç tregon me humor ka thyer rregullat.
“I kam thyer rregullin me thënë të drejtën, dhe nga inati kam zbritur deri në katin e parë”, thotë Rezi me humor. Ai thotë se këto ditë karantine nuk është se ka zbuluar ndonjë talent të veçantë tek vetja si shumë personazhe të njohur por është marrë me këngë.
Rezi jeton me prindërit dhe thotë se ata kanë dhomën e tyre “dhe e kemi me orar takimin”.
Përsa i përket spektaklit “Portokalli”, i cili është pezulluar për shkak të pandemisë, Rezi thotë se e ka menduar një rol të ri. “Sezonin që vjen shpresojmë që do fillojmë. Kam menduar Çim Pekën, karakteri më i ri që dua të bëj”, ka thënë më tej aktori i humorit.