Pavarësisht kritikave se Donald Trump nuk ka kontakte me realitetin, duket se Presidenti amerikan është tepër i vetëdijshëm për personalitetin e tij.
Shembulli më i fundit vjen nga një reklamë e vitit 2004, ku Trump shfaqet duke reklamuar krahë pule të pjekur. Kjo video e hedhur fillimisht në Tuiter, tregon një anë tjetër të presidentit. I rrethuar nga disa maskota pulash që kërcejnë, ai promovon biznesin e tij imagjinar. Bëhet fjalë për një spektakël televiziv.
“Nuk po ju them se jam ekspert i krahëve të pulave. Jo. Por unë po ju them këtë: Se krahu është shumë më i shijshëm sesa trupi, koka apo fundshpina” – dëgjohet Trump duke improvizuar në reklamë.
Më pas ai vijon duke reklamuar edhe pesë shijet e ndrshme të tyre. Dhe sikur të mos mjaftonte mimika e Trump, edhe vetë kënga e bën qesharake reklamën.