Përballja me zjarret në vend vijon, ndërsa situata është përkeqësuar në Mal Milot të Kurbinit, ku flakët kanë përfshirë kurorën me pisha dhe janë afruar pranë banesave.
Për shkak të rrezikut, autoritetet kanë kryer evakuimin e banorëve të zonës, ndërsa për izolimin e flakëve po ndërhyhet si nga toka, ashtu edhe nga ajri, me një helikopter.
Gjatë natës, në terren janë angazhuar 35 forca të bashkisë, 20 efektivë të Forcave të Armatosura dhe 4 mjete zjarrfikëse, të mbështetura nga 2 autobotë për furnizimin me ujë.
Situata po ndiqet nga afër edhe nga prefekti i Lezhës, ndërsa mbrëmjen e djeshme në vendngjarje ka qenë edhe ministri i Brendshëm, Besfort Lamallari.