Diamanti legjendar Koh-i-Noor, të cilin India dhe Pakistani kanë pretenduar prej vitesh ta marrin sërish, mbetet një ndër gurët më të çmuar dhe xhevahiret më të shtrenjta të Mbretëreshës Elizabeth II.
Legjenda thotë se të gjithë njerëzit që zotëronin Koh-i-Noor (malin e dritës) janë mallkuar rëndë! Në një dorëshkrim hindu të shekullit të 14-të thuhet se “kushdo që ka këtë diamant do të sundojë botën, por do të dijë gjithashtu të gjitha fatkeqësitë e Tokës. Vetëm Zoti ose një grua mund ta veshin atë pa u ndëshkuar”.
Koh-i-Noor është një nga diamantet më të çmuara në botë, 105.6 karat dhe pjesë e bizhuterive të kurorës britanike. Koh-i-Noor do të thotë “Mali i Dritës” në Hindi dhe Persian. Me këtë emër njihet që nga shekulli i 18-të. Fillimisht, guri kishte një prerje të ngjashme me diamantet e tjerë të epokës së Perandorisë Mughal që gjenden sot në bizhuteritë e kurorës iraniane.