Kosova do të fillojë zbatimin e reciprocitetit për letërnjoftime me Serbinë dhe fillimin e regjistrimit me targa RKS për automjetet me “PR”, “KM”, “PZ”, “GL”, “UR”, “PE”, “DA” apo “ĐA”. Kryeministri Albin Kurti, ka ftuar këtë të dielë një mbledhje të Këshillit të Sigurisë. Këtë e konfirmoi vetë Kurti gjatë konferencës të së shtunës, ku tha se në këtë mbledhje do të diskutohet nëse janë marrë të gjitha masat që të dy vendimet qeveritare te zbatohen.
Nga ana tjetër, Kurti thekson se ka qytetarë që nuk u pëlqen ligjshmëria dhe kushtetutshmëria e Kosovës, prandaj i duhen për të kuptuar nëse janë përgatitur mirë të gjitha institucionet.
“E dimë që ka njerëz jashtë ligjit, ka kriminelë të llojeve e ngjyrave të ndryshme, të cilët nuk ju pëlqen ligjshmëria dhe kushtetutshmëria dhe të cilët dëshirojnë që ta sfidojnë shtetin e Kosovës andaj kjo mbledhje është për tu diskutuar se a janë marrë të gjitha masat që gjithçka të shkojë ashtu siç është menduar, pra ashtu siç është planifikuar gjithnjë sipas shteti të së drejtës që është edhe sundimi i ligjit, edhe kushtetutshmëria”.