I dërguari i posaçëm i BE-së për dialogun Kosovë-Serbi, Miroslav Lajcak, pas vizitave të zhvilluara në Prishtinë dhe Beograd ditën e hënë, paralajmëroi se bisedimet do të vijojnë në një takim të nivelit të lartë. Përgatitjet për një takim të mundshëm mes udhëheqjeve të të dyja vendeve, Lajçak i përmendi edhe në deklaratën e dhënë, menjëherë pas takimit me Kurtin.
Kryeministri i Kosovës, Albin Kurti tha se Kosova është e interesuar për një marrëveshje me Serbinë por sipas tij, kjo nuk mjafton, pasi duhet edhe gatishmëria e palës tjetër.
Presidenti serb Aleksandër Vuçiç, tha pas takimit me Lajçak se kishte zhvilluar një bisedë miqësore dhe të hapur me të dërguarin e posaçëm të BE-së.