Këtë të premte, kryeministri i Kosovës, Albin Kurti do të flasë për takimin e funndit në Bruksel dhe për Asociasionin. Por deputetët e Aleancës për Ardhmërinë e Kosovës kanë shpërndarë lule dhe kanë “uruar” deputetët e Lëvizjes Vetëvendosje.
“Urime Zajednica”, iu drejtuan ata deputetëve, para nisjes së seancës plenare, ku pritet të raportojë kryeministri i Kosovës, Albin Kurti për takimin e fundit në Bruksel në kuadër të dialogut, ku u deklarua i gatshëm të nënshkruajë planin e ri të zbatimit të Marrëveshjes bazë për normalizim të marrëdhënieve me Serbinë dhe planin për draftin e statutit të Asociacionit të Komunave me shumicë serbe.